Ang hindi lumingon...

Iba na ang iskwater na pinanggalingan nya. Labing-limang taon pagkatapos masunugan ang lugar, nag-iba na ang kabuuan nito. Iba na ang mga bahay, iba na din ang mga tao. Wala na ang mga dating mukha na kasa-kasama nya maglaro. Naisip nya na malamang ay pamilyado na ang mga iyon. Sakay ng kanyang ‘bumble bee’, nag-ikot-ikot sya sa lugar kung saan bihira lang makakita ng kotse ang mga tao.

Nakita nya ang bagong batch ng mga batang yagit na naglalaro sa kalye. Mga batang mas malaki ang tiyan kesa sa ulo. Dati mga kalaro nya ang nakikita nyang ganon, ngayon mukhang mga anak na nila ang nakikita nya. Nag-isip sya, paano nga ba lumalaki ang tiyan ng mga bata samantalang kulang naman sa kinakain? Sa kabilang banda naman ay nakita nya ang court na pinaglalaruan nila ng mga kalaro nya dati. Court kung saan ilang beses syang nabutasan ng bola dahil sa kakabato ng mga adik na madalas syang pagtripan. Mga adik din ‘daw’ ang naging dahilan ng sunog noon, pero mga adik din ang nagsisigaw sa buong lugar na may sunog. Sa tapat ng court ay ang isa sa mga bahay na masasabi nyang may kaya. Sa bahay na ‘yon nakatira ang crush nya dati. Mukhang wala nang tao sa bahay ngayon. Malamang nasa ibang bansa na. Madami pa sya nakita na halos nakikita din nya dati noong nakatira pa sila doon. Mga batang kalye, mga dalagang maagang lumalandi, mga binatilyong busy sa pagsinghot ng rugby. Walang pinagkaiba sa lugar na kinagisnan nya. Ang pinagkaiba lang ay mga bagong mukha na ang gumagawa ng mga nakita na nya dati.

Twalya

Saksi sa kaganapan sa banyo.

Unang hinahanap ng bagong paligo.

Pamunas sa katawang mabango.

Yumayakap kapag katawan ay natuyo.

Minsa’y ginagamit pantakip ng ulo.

Pangontra sa init at sa kuto.

Kung ikaw nama’y nahihiya sa ulo mo.

Pwede ding pantakip sa ulong kalbo,

Minsa’y ginamit pamunas sa katawang may dugo.

Bakit naging pula ang kulay ng twalya ko?

Sinabi sa’kin pag-uwi ko.

“Leo, sinaksak ang kuya mo.”

nagustuhan mo? i-share mo na!

Share|

Gudnyt! Switdrims! Muah!

(Ang kwentong ito ay naglalaman ng mga salitang hindi dapat sa mga bata. Kung bata ka, wag mo sanang mapanaginipan ito.. alam kong babasahin mo parin ‘to. Enjoy!)

“Three points!” sabi ng commentator kasabay ng hiyawan ng mga fans nya.

Lamang pa ng isa ang kalaban nila. Tatlong segundo na lang ang natitira. Sa kalaban ang possession, kailangan maagaw ang bola. Mabilis ang pangyayari. Biglang nasa kanya na ang bola, mauubos ang oras kung ipapasa pa nya. Bagamat’t kinakabahan, wala na syang pagpipilian kundi ang tumira. “Bahala na!” sabi nya sa isip nya. Dalawang segundo. Isa. Tumunog ang buzzer. Hiyawan, sigawan at palakpakan ang mga tao. Panalo sila.

Ginagawa pa

Kasalukuyan pa pong hinuhukay ang pundasyon. Balik po kayo bukas. Baka ok na.

Exchange Link Tayo?

Dahil wala pa akong kaibigan bukod kina Philip, Marlboro at Winston. Gusto ko sana na magkaroon pa ng mga kaibigan na mahilig din humithit. Comment ka lang dito, isama mo ang pangalan ng blog mo at ang url ng blog mo. Hintayin mo lang ang ilang araw at makikita mo na ang blog mo sa blogroll ko. Pero syempre dapat palitan tayo. Dapat isama mo din ako blogroll mo. Mga Kwentong Upos ang pangalan ng blog ko, at ang url nya ay http://www.mgakwentongupos.blogspot.com. Quits lang diba? :)